صفحة كتابي

[hichamعضو سوبر]

ماني بشاعرة ولا بنت شعار
لكن كتبت الشعر من حر مابي
وهبته لنفسي وتعلمت باصرار
لجل الحبيب اللي فراقه غدابي
من يوم غاب وخافقي مشتعل نار
ولع لهيب البعد واعلن عذابي
جفني جفاه النوم والدمع مدرار
وكل همً في بعاده سطا بي
يالله منك الصبر قدام لا انهار
صبري بدا ينفذ من اللي جرابي
ماعاد لي قدره على كتم الاسرار
خوفي يبان بوجهي اللي خفا بي
اخفيت حبه عن عواذل واشرار
ونزفت جرحي فوق صفحة كتابي