الهاجس المجنون

[hicham95عضو متألق]

دوب القصيد استوى فنجاله امهيّل
من دلة الشاعر اللي حول ما غنّّا
من عشق رجال وافي ماهو ابعيّل
ارسم مساري واتكتك فيه واتمنّّا
كفخ بي الهاجس المجنون واتخيّل
انّا وصلنا وقابلنا بعد وانّا
واني اناظره بعد العصر بقليّل
قد فلّ شعره ولبسه قمة الفنّا
يمشي وهو حافي الاقدام بمهيّل
في بهو قصره وكنّه مادرى عنّا
اقدام مدري سحاب يحطّ ويشيّل
ومن زود ما به ليونه شفتنا لنّا
يميل عكس الخُطا ما قصده ايميّل
بس اختلاف الكتل خلاه يتثنّا
فيه الدلع والغنج طيوب وحليّل
جيته بفكري وهو بي يحسن الظنّا
يا ميسم الريم واحلى ريم يا غزيّل
صدري فيافيك ربّع فيه واتهنّا
مدهالك القلب ما من دونك محيّل
تعال له من هناك ومن هنا ومنّا
به وادي العشق ب/اصدق حِسّه ايسيّل
وغصن الاشواق من زود الثمر حنّا
ولو سرى الذيب في صدري وبه ليّل
ماهو بواصلك في ريضانك الغنّا
( لو قيل الذيب والله ماني امقيّل )
لي ما انت للذيب يخسى الذيب ويدنّا

يسلموووو اخي هشام على موضوعك

,,

و شكرا لالك على هاد الكلمات الغاية في الروعة

و سلمت اناملك

و تقبل مروري المتواضع

أعجبني لم يعجبني