وكالة خفوق

[hichamعضو سوبر]

اللي تخصه في غلى الروح للروح ويبادلك هجر وصدود وجهاله
خله ترى باب التياسير مفتوح ومن الملى تلقى عشيراً بداله
وان طعتني مالك ورى الحب مصلوح خل الخفوق يعيش حالة بطاله
لا تشغله بالهم والبين والنوح خله مع الدنيا على طول داله
شف بالهوى يا صاحبي كم مذبوح يموت ظيم وصاحبه ما دراله
يرمي عليه من الهواجيس ويروح وتشوف حاله يا فتى الجود حاله
كامي ضماه ويرقب النو مشفوح خوف العواذل تكتشف ما جراله
مايدري ان العشق راعيه مفضوح بين عليه العشق لا صار واله
هذا الغلى جامع مسرات وجروح حاول تغانم ما صفى في مجاله
واليا عرض بي المزايين مملوح طيب مواري يستحق اتعناله
لا جابه الله بالتواصيف ممدوح بين التطور جامعا والاصاله
مياس عود ورايق البال مشروح ينعش خفوقك في هواه ووصاله
ايه اعشقه ما ودها شور وشروح لا تنثني من دون هقوة خياله
حاول تجاوز بالغلى كل مسموح ترى حلاته لا تعدى مجاله
واسرق معه لحظة مسرات ومزوح من عمرك اللي جاهلاً ما بقاله
وشيدله بقلبك بنايات وصروح واعطه على كامل خفوقك وكاله
حر التصرف والخطا منه مدموح وكلاً على ما قيل حر بحلاله

شكرا أــخ هشـام

على موضوعـ ك المميز و بأنتظار جديدك

و تقبل مروري

أعجبني لم يعجبني