نسيت الناس

إما تجي للقلب وتشيل ما فيه
وإلا صراحه إتركه في محله
القلب ماهو يحتمل من يجافيه
وماني من إلي محتري فيك زله
نادت وقلت أرحب ومليون لبيه
للي مَلا للحب مليون سله
عديت بحرك يوم صاحت شواطيه
وأرخيت سمعي للحديث ومدله
دخل على قلبي ولا أعطاه تنبيه
لا تلومني يومه من الناس قله
حطيت عيني تحرسه من حواليه
على مدار الوقت عيني مطله
يثقل ، ولو طوّل نصيته وبنخيه
عارف طريقه والمشاعر تدله
أقراه من عينه ولا تقوللي ليه
أفهمه من ضحكه ولو فيه عله
عقلي يفكر به ودمعي يسليه
حاجة رهيبه في رحيله وحله
إلي يشوفه كيف يمكن يخليه
والعقل من نظره يجي فيه خِله
قلبه كبير وما طَلب من يعليه
حبه غفير ويمتلك فيك جِله
يعطي ولا ينقص أبدْ في عطاويه
ربي عطاه الزين والملح كله
لو هو تكلم راح قلبي يملّيه
ويومه حكى زادت من الطين بله
يالله يا راشد رسولك من التيه
ويا هازم الاحزاب في حين ذله
تحمي لي الغالي وتكثر لياليه
ويزيد في قلبي غلاه ومحله
في حبها شعري يراسل قوافيه
ويصبح غلاف الحب بأفضل مجله
وإن كانها فالعين طاحت مراسيه
هذا تعب حظي حتى وصل له
تسهر به النجمه وإذا الليل يغشيه
والشمس تكسفها على حين طله
قِله ، ترى شاعر هواوي وتعريه
أكثر صفات الهم يا قاف قِله
قِله ، ترى بعده عن العين يعميه
ومدري كفيف الحب من هو يشله
قِله ، ترى دمعه يبيعه ويشريه
داخل حراج الكبت والكبت شله
شفني نسيت الناس بأحضان آياديه
شفني رميت الهم وأشمست ظله
إما يجي للقلب ويشوف ما فيه
وإلا ذبح نفسه ولا شاف خله

نسيت الناس

نسيت الناس

تعاليق