الصمت له عندي معزه ومقدار

[hichamعضو سوبر]

في زحمة الافواه .. يا زين الصمت !!


لا صار بعض البوح عند البشر عار
لو يشتعل جوفي حشى ما تكلّمت





تعبت من قولة : (علامك )و وش صار ؟
وان طحت ما ألقى سوى كلمة (سلمت )





واعذاراخلقها ولو مالي اعذار
مشّيتها مره .. ومرات ما رمت !!





كذبة صباح الخير/ يا صبح الانوار
عذري ليا عدّت ليالي ولا نمت





اسهر طوال الليل وضْيوفي افكار
واقول لاْصحابي :نعم توّني قمت !!






ما عاد فيني ألفت عْيون واْنظار
يكفي بأني من زماني تعلّمت





ان الصدر بيتــ ٍ..وسكّانه اسرار
نيّام ..بس يصحون لامن تألّمت





يصحون ويناظرهم الجار والمار
وش عاد ينفع سترهم لو تكتّمت؟!!





آقدّم اقدامي على درب الاصرار
امشي ولكن للأسف ما تقدّمت





النارقدامي ..ومن خلفي النار !!
والعمر يمضي بي وانا ما تولّمت





الين ذاك الحلم في لحظه انهار
وانا مع لحظة سقوطه تحطّمت





جروحي كثار..وتناهيدي كثار
لكن على كثر المواجع ..تبسّمت !!

شكرا أــخ هشـام

على موضوعـ ك المميز و بأنتظار جديدك

و تقبل مروري

أعجبني لم يعجبني

الله يعطيكـ الف عآفيه
جزاك الله خيرا
مشكور اخى ع الطرح الجميل
طرحت فابدعت
تقبل مرورى المتواضعع

أعجبني لم يعجبني