ياحرق قلبي كل ماحل طاري

[hichamعضو سوبر]

ياحرق قلبي كل ماحل طـــــــاري
. . . . . . للبدو واعلوم البدو والمواصـيـــل


يحرقني الطاري فكيف الاثـــــاري
. . . . . . في دارهم ماشالها السيل والـويل


شفت ( النيا ) وشدّت يميني يسـاري
. . . . . . والنار ورفواً للنضيده عن السـيل


وأشوف حول النار باقي مـــواري
. . . . . . كسرة بيــالـه مع بقـايا فناجــــــيل


وفاس الحطب خلوه ماني بـــداري
. . . . . . متثلم الاطراف ماعاد به حـــــــيل


وشفت الربابه بس جالون عاري
. . . . . . ماكنّهم امضوا عليه التعالــــــيل


والراويه ياشيب عيني إتـــراري
. . . . . . ماكن قواً كان فيها على الشــــيل


وتاريخ تريك ٍ حيّر أنسان قـاري
. . . . . . قديم ومصدّي يسمونه البــــــــيل


هذا الذي يالايمي شب نــــــاري
. . . . . . ليه الملامه دون تفهم لنا قـــــيل


افرح بهم واحب ذيك الصحاري
. . . . . . وياليتني معهم على العدل والمــيل


سمعت ونّـاتــي وصديت زاري
. . . . .ياحيف منك اللوم جمله وتفصيل