إيماني إيماني

[hichamعضو سوبر]

,,

السلام عليكم ورحمة الله وبركاته,,

,,

سكرت باب العتب واللوم كبيته
وغضيت طرفي عن المظلوم والجاني
وقصيدة ٍ ب أولك يالليل سويته
مسحتها وأخرك مامداه ي اقراني
سنتين واحكايتك يالليل في بيته
سنتين وامجادلك يالليل عنواني
واليوم صبحي على ملفاي لفيته
وشمس الامل هاجسي وايماني ايماني
ومبدا الوفا في رموش العين حطيته
ولاهمني من خذل مبداي واشقاني
وعزيمتي باقيه ماقول ياليته
الصبر ثوب ٍ لبس عمري و يزهاني
ولاهو تصنع شموخي يوم فليته
طبعي رفعني عن التنكيل بالساني
يوم ان بعض العرب يسب في ميته
انا دفنت الفقيد بصدر غفراني
ولاعاد ابي سيرة ٍ تجيب في صيته
نسيت واللي خلق هالكون ماجاني
ومن فضل ربي هذاك الحزن عديته
واصبحت اشوف الامل في كوكب ٍ ثاني
بعيد عن عالم ٍ مجنون مليته
زيفه يزلزل يقين الصدق ب اوطاني
النفس طابت وزبد الهرج خليته
في صفحة ٍ ب اطوي اظنونه على شاني
((

))

بقلمي

,,

مودتي للجميع