اشرقت شمس الصباح

[hichamعضو سوبر]

اشرقت شمس الصباح وزاد عن امس عمري _ في حمى خالق الشمس اشرقت يوم امرها

واستهلت بنور الفجر بالفلك تجري _ في مقر(ن) لها يوم الولي قال عنها

وقتها لو جمعت افكار من وين مدري _ كنه العمر ليله غابت الشمس عنها

في رحى الارض نمشي فوق كف(ن) وقدري _ وان غفلنا ذكرنا خالق اللي بسطها

تطوي الدنيا بالاعمار صفحه وتسري _ كنها اكتاب واحنا بين صمت اغلفتها

كل ماتطوي الصفحات بالعمر يطري _ للمشاعر حبيب وللحساب آخرتها

بين همس القلوب اللينه طار فكري _ واصبح القلب شايب واكثر الشيب منها

تنبت اوراق غصن(ن) باوله كان بذري _ ثم تفتح ورود وزهر بذر(ن) حصدها

وتذبل اوراق غصن(ن) باوله كان بذري _ راح عطر الزهور ومسكها قل منها

هكذا العمر واقع بينه صوت نبري _ هكذا العمر واقع بالحياة وشغفها

يارساله كتبتي فوق سطرن بحبري _ بلغيه الرساله شخص يسمع لحنها

يابن آدم صلاة العبد تشفي وتبري _ للقلوب السقيمه بعد مالله طمسها

أد وقت الفريضه حيث تبتع وتشري _ وقتها حان لاتجهل قدر من تركها

واذكر الله نهار وليل لاتقول بدري _ باقي العمر ساعه ماعرفنا عمرها

هو تقرب ذراع(ن) لك بجيته شبري _ عود النفس في ذكره وقوي جهدها

ثم تلا الفكر ذكر الله بنيه في صدري _ الله اكبر لا اله الا هو يوم امرها