الامثال الفلسطينيه في:الفصول الاربعه والارض والزيت والزتون

[Sara Hasanعضو ذهبي]

بعد التحية
الامثال
الشعبية الفلسطينية التي تذكرنا بفلسطين
وريحة فلسطين وريحة ارض فلسطين
وجمال طبيعة فلسطين
من خلال الزراعة والفصول الاربعة التي تعتبر من
اهم ما
تحدثت عنه امثالنا الشعبية واليكم بعد المقتطفات

الزيت والزيتون راس المال الفلاح الفلسطيني

[وحدهم المديرون لديهم صلاحيات معاينة هذه الصورة]

أيلول دباغ الزيتون

في أيلول بيطيح الزيت في الزيتون

في أيلول بيدور الزيت في الزتون والمر في اللمون

لما يصلّب الصليب ما ترفع عن زيتونك القضيب

زيته طيّب ولقاطه بشيّب

زيت الملدمسي طيب ولقاطه بشيب

النبالي زيته سيال ولقاطه عجال في عجال

البري زيته مري

الزيت عماد البيت

عمارة البيت خبز وزيت

القمح والزيت سَبْعين في البيت

الزيت مسامير المعصب

الزيت ملك العاجز

كول زيت وانطح الحيط

سيل الزيتون من سيل كانون

إن لسّن الزيتون في شباط حضرولو لبطاط

إن أخرج في شباط حضرولو البطاط

إن لسن الزيتون في أيار هيأولو الزيار

إن أخرج في أيار حضرولو الجرار

إن لسن في نيسان لا تعشم ابه يا ابن الناس

إن احسم الزيتون في الخميس هيأولو القطاطيس

يا الله السموم في ليالي الزيتون لو ما ضل في السهل ولا حابون


امثال فلسطينية تحكي واقع المناخ الفلسطيني وتقلباته في الفصول الاربعة وشهور السنة


إذا حفل أبو سعد بطل الرعد

في تشرين ينتهي العنب والتين

تشرين برده يبكّي المصارين


شباط ما عليه رباط

شباط جر العنزة بالرباط

في آذار العجوز ما بتفارق النار

اذار شمس وامطار وينشف الراعي بلا نار

بين العقرب والنيساني ارفع غطاك الفوقاني

اذار ابو الزلازل والأمطار

اذار فيه سبع ثلجات كبار غير الزغار

في اذار ينشف الراعي بلا نار ويرمو الجزر للحمار وتمطر سبع مطرات

خبو خشباتكو الكبار لعمكو اذار

خبو الفحمات الكبار لهدرة من هدرات اذار

خبي جمراتك الكبار لعمك اذار

في أيار العمر طيار

في تموز بتغلي المية في الكوز

تموز بيصير الصبر قد الكوز

في تموز يستوي الكوز

في تموز اقطف الكوز

تموز بعصر الكوز

تموز عصار الخشب

في آب بتخلق السحاب

في آب كول العنب ولا تهاب

في آب اقطف العنب ولا تهاب

في آب اقطع الشرش ولا تهاب



الثمار والاشجار وانواعها وفوائده باللسان الفلسطيني :


خلي القطين في خوابيه تييجي مشتريه

لا تقطع العنب للزبيب تيمر الصليب

اطعم دوابك في التين تلقاها في أيام الطين

رقد التين ياكل وينين ورقد البلح ياكل وينشرح

طل البطيخ بطلو الطبيخ


امثال قوانين وعادات وتقاليد وقيم واخلاق

ما أغلى من العرض إلا الأرض

بياع أرضه ضاع عرضه

إرحل عن الأرض ولا تبيعها

الأرض لا بتنحرق ولا بتنسرق

اللي بيطلع من داره بينقل مقداره

اللي ما عنده عطن مالو وطن

اللي ملوش جذر بيموت قهر

بيع الذهب واشتري العتب

الأرض ما بتغلاش

الأرض كالعرض

ششششكرآآ

أعجبني لم يعجبني

يسلمووووووووو اختي ساره

أعجبني لم يعجبني

شكرا لك

أعجبني لم يعجبني

شكرا اختي ساره عنجد مواضعك حلوه

أعجبني لم يعجبني