يا ساري الطاري

[hichamعضو سوبر]

يا ساري الطاري على وين مسراك؟
وعزاه ياقلبن طرا ما طرا له

الله يبدل بالمياسير عسراك
ويالله عسى يقفى القطيعه جماله

ترا الثمن بك خافقي يوم مشراك
خل(ن) خليل ولا بغينا بداله

حبه فريد ولا شكي مني اشراك
متربعن بالقلب يسكن لحاله

شربت من حبك فناجيل الادراك
كم لاعني فنجالها والبياله

قلبي على دربك على الدوم يبراك
ما لازم الماشي بدربه ظلاله

يا صورة (ن) بالقلب عيني تمرَّاك
وكم ينقري في صورتك من رساله

لا ياجديلن اسودك مثل شقراك
يرمي عليك الليل حالك حباله

كن القلم م الشوق في سطره اطراك
يوم انت روح النص عمه وخاله

من ش(ن) بقلبي اكتبك ثم ان اقراك
معناك واحد من يمين وشماله

حظيظة احروفي تجي قدم حوراك
وكم ذا يطيب لشاقي الحرف فاله